Հյուսիսային դպրոցի 4-5-րդ դասարանցիների ու դասավանդողների մի խումբ հոգևոր-զատկական-ընթերցողական նախագծով այսօր Եղվարդում էր: Հետաքրքիր ու հագեցած օր էր: Սուրբ Աստվածածին եկեղեցում հանդիպեցինք տեր Հովնանին, ով մեզ շատ ջերմ ընդունեց, հետաքրքիր , ուսուցողական զրույց ստացվեց: Քահանան պատմեց , բացատրեց պատարագի կարգի, աղոթքի իմաստի մասին, մենք էլ երգեցինք հոգևոր երգեր, աղոթեցինք, ստացանք տեր Հովնանի օրհնությունը: Եկեղեցու բակում կարդացինք, երգեցինք, խաղացինք, մաքրեցինք բակը աղբից, հետո քայլեցինք դեպի Եղվարդի 5-րդ դարի բազիլիկ եկեղեցու փլատակները. շատ տպավորիչ էր: Ճամփորդությունը հետաքրքիր ու ուսուցողական էր: